Baranka di Restorashon a wordu funda na mei 1987, dor di Pastor Karel Heinz. For di aña 2002, e Iglesia ta wordu pastoria pa Pastor Ramiro Richards i su esposa Tamara Richards, dedikando nan bida kompletamente na Dios pa e trabou di DIOS kual ta, yuda personannan den tur tipo di nesesidat. Pastor Ramiro: Kerido ruman den Kristu, mi no sa den ki situashon bo ta den bo bida na e momentu aki, pero ami Pastor Ramiro Richards, ke inkurashabo pa hasi Kristu e Señor di bo bida I laga Kristu goberna den bo bida. Den Su Palabra(e Beibel) E ta bias: Bati i lo mi habri, buska i lo bo hanja. Awe Señor ta wardando bo bati na Su porta pa E bin biba den bo kurason. Dios tin un plan i proposito ku bo bida i sa ku nada no ta imposibel pa nos Señor, nos Dios, jamas E lo bandonabo of lagabo desampara. DIOS STIMA BO! DIOS BENDISHONA BO!
Nos metodo
Pa medio di orashon i adorashon toka kurason di Dios den un forma personal pa asina:
- Palabra di Dios bira un praktika diario den nos bida, pa Kristu por ser mira na nos dor di otro personanan
- Passion; nos Amor pa Dios
- Enfoke riba personanan den nesesidat, trahando riba relashonnan
- Pa allanan ku ta komparti e kurason di Dios ta un lus på almanan perdi
- Un plan di akshon pa hasi un diferensha AWOR na Boneiru”
Pa medio di seminario, konferensia i kampamentu nos ta edifiká e miembro nan i tur persona den comunidad pa krese den nan fé den Christu. Pastoor Ramiro y Tamara tin un pashon masa grandi pa hoben nan. For di aña 2003, nos ta organisa Rock Camp pa e hoben nan, den kual nos ta edifiká, enkurashá y motivá nos hoben nan pa krese den nan relashon ku Hesus Cristu
Kiko nos keriensia ta?
E outoridat absoluto di e Palabra di e DIOS bibu ku no ta kambia. Henter skritura ta inspira pa DIOS i ta util pa duna enseñansa, i pa instrui kon pa biba rekto. (2 Tim.3:16; 2 Pet.1:20-21)
Salbashon: E trabou finalisa dor di kristu Hesus, YU di Dios inkarna, na krus di Kalvario I Su resurekshon.Rom.5:9// Thess.5:9-10/ Hebr.5:8-9
Boutismo di Spiritu Santu: Evidensia dor di papia den lenga I praktikando su don. Echonan 2:1-4
Ministerio di Rekonsiliashon: Un di e sinku parti di regalo na Ministerio di Iglesia. 2 Kor.5:18-20 //Koloss.1:20 // Hebr.2:17 //Efes.4:11-13
Sanashon i Milagernan: Dor di e heridanan i e sanger di Hesus Kristu. Mat.10:1 //Marco 16:20 // 1 Korint. 12:4-11 //Huan 5:13-15
Ultimo Huisio: Fierno lo ta destino Final pa tur ku no ke risibi e iglesia di e Reino di Dios. Rev.20:15 //Luk. 12:5
Segundo binida: Di nos Señor i Salbador Kristu Hesus. Mateo 24:30 //Luk.21:26-27 || 1 Thes.4:16-17 //Titus 2:13//Rev. 19:7-9″
Un Vishon, un Mishon i un Unshon
E nomber di ku Dios a duna nos iglesia ya kaba ta yuda nos kompronde e vishon i mishon ku Dios a duna nos. Dios a duna Iglesia Baranka di Restorashon ‘Un vishon’ pa kumpli ku né.”
Nos Vishon
Pa trese RESTORASHON DEN BIDANAN, RELASHON, MATRIMONIONAN, FAMIA, IGLESIA, KOMMUNIDAD, I BONEIRU
E palabra di Dios ta bisa den Habakuk 2: 2-3 e importansia di skirbi nos Vishon.
For di kuminsamentu Dios ta bisa ku e ta bai Restorá tur loke satanas a destrui.
1. Restorashon di Bidanan: Juan 3:16, 10:10
2. Restorashon di Relashonnan: Mal. 4:6
3. Restorashon di Matrimonionan: Mal. 4:6
4. Restorashon di Famianan: Job 42: 10-17
5. Restorashon di Iglesia: Ech. 3:19-21
6. Restorashon di Komunidat: Ech. 3:21
7. Restorashon di Boneiru: Ech. 3:21
Esaki ta e Vishon ku Dios a duna nos Iglesia
Nos Iglesia
Nos Historia
Konhuntamente ku iglesia Bida Nobo di Kòrsou I Asamblea di Dios di Merka, a kuminsá un iglesia na Boneiru. Dia 24 di April 1987 riba un djabièrné un pareha hóben ku a kaba di kumpli 4 luna kasa, Lionel Wiel i su esposa Yessie Wiel a bin pa kuminsá ku un obra pa Señor. Huntu ku e misionero Karl Heinz Heistermann i su kasa Renata, nan a kuminsá testifika den tur bario nan di Boneiru. Spesialmente Antriol, Lagun i Nikiboko. Nan tabata evangelisá di kas pa kas i gana almanan pa media di e bèrdat.
Dia 9 di mei 1987 nan a kuminsá ku sirbishi tur djaluna den Sentro di bario Antriol ku 12 hende i kuminsamentu di yuni nan a kuminsá ku kampana bou di tènt na Antriol riba un terreno bashi, dilanti di kaya buladó number dos.
Durante tres luna largu, nan tabata evangelisá rònt Boneiru ku yudansa de grupo nan voluntario for di Marka ku a bini pa sostené nan.
Después di e tres lunanan aki, nan a kuminsá ku sirbishinan tur djaluna, djaraason, djabièrnè, i djadumingu nan tabatatin zondagschool. Tur sirbishi tabata tuma lugá na kas di pastor Wiel.
Promé na Kaya bulado number dos, i después na kaya Zuit Nikiboko. Na aña 1990 nos a kumpra un terreno na Kaya Zuit Nikiboko. Huntu ku e misioneronan Karl Heinz Heistermann i su esposa Renata Heistermann i ku yudansa di meikanonan for di Merka i miembronan local, nos a kuminsá konstruí e iglesia i e kas pastoral. Na aña 1992 e misioneronan Heistermann mester a bai Merka bek. Na 1994 pastor Lionel Wiel i su esposa Yessie Wiel a pasa e obra pa Eric Alberga di Aruba.